Si musafir yang mengembara mencari keredhaan Allah~

  • Facebook

Dalam Memperingati Waliyullah al-Qutub Sheikhu Sheikhna Sidi 'Abdul Qadir As-Saggaf

Posted by Unknown - -




Waliyullah al-Habib 'Abdul Qadir as-Saggaf






شيء لله يا اهل الله

عاد اللقاء مابيننا ياراد ياعواد 

ياوارد البحر الذي فيه الدرر توجد * أورد فهذا بحر عبد القادر بن احمد 
سليل بيت المجد زاكي الأصل والمعتد *وخليفة الاجداد

 
عاد اللقاء مابيننا ياراد ياعواد

 
كم كنت أتمنى أشاهد منه ذا المشهد * لي فيه أنوار النبي والآل تتوقد 
وفيه كم من ألوية للأولياء تعقد * وتقام به الاعياد

 

عاد اللقاء مابيننا ياراد ياعواد

 
وفيه اسرار المهاجر والفقيه الجد * واولاده السقاف والمحضار حامي الحد 
والشيخ ابو بكر الذي فيض العطا يمتد *منه إلى الأولاد

 

عاد اللقاء مابيننا ياراد ياعواد

 
هم اللي اعتنوا به في الصغر من ساعة المولد * واعطوه من اسرارهم مايطلبه وأزيد 
وعليه يتعنى بنا في اليوم ذا والغد * يقسم لنا في الزاد

 
عاد اللقاء مابيننا ياراد ياعواد

 

هم قدوتي وعقيدتي والسول والمقصد * قبل اياديهم دواما عبر هذه اليد 
واستشعرن الجمع تم كله في المفرد *بالنص والاسناد

 

عاد اللقاء مابيننا ياراد ياعواد

 
دركاه شوني فوق جرف يكاد ان ينهد * لي مايجرونه هله مابيجره حد 
حاشا تحيلوني إلى سعدون أومسعد * مامنهم إنقاذ

 

عاد اللقاء مابيننا ياراد ياعواد

 
يامفرد ايامك وتاج العصر ياأوحد * من شاهد أنوارك وحسنك قال مالك ند 
من بعد أسلافك لنا فيك الغناء والزاد * والله لنا بك جاد

 

عاد اللقاء مابيننا ياراد ياعواد

 
ماحد لنا ياسيد من غيركم ماحد * يؤخذ بأيدينا اذا حامي البلاوى واشتد 
لكم شفاعة عند رب العرش ما ترتد* وتقرب الأبعاد

 

عاد اللقاء مابيننا ياراد ياعواد

 
متى اشوفك في تريم الخير تتهجد * وتمد في سفح الطويلة لي بساطبك مد 
وفي حريضة والقويرة تنعش المقعد * وأستقبلك في اسعاد

 

عاد اللقاء مابيننا ياراد ياعواد

 
الله يحقق الاماني علني اسعد * بالقرب من اهلي فقد طال الجفا والصد 
عدني اليهم ياصمد والعود لي احمد * والشوق عندي زاد 


والختم صلوا على النبي الهادي محمد * صلاة ماشي حصر يحصرها ولاشى عد 
وآله مصابيح الدجا مافاح عرف الند * واصحابه الامجاد

 
عاد اللقاء مابيننا ياراد ياعواد


متعك الله ياعبد القادر بنور السمع والبصر وامدك من امداد سيدنا الحبيب عبدالقادر